02 May, 2009

قدريات



Destiny!!

حاجات كتير مبناخدش بالنا منها
تدخل حياتنا .. تغيرها .. ترتبها
و برضه عاملين نفسنا مش واخدين بالنا
و فجأه تظهر و نكابر و نكبر و نقول لأ
و بعد شوية نسكت و نسمع
و شويه نفكر و نقلق
و شويه نقول ليه لأ؟
و شويه مالناش حق
و شوية نكتشف ف الآخر
إن فيه حاجات
هي كده
و متجيش غير كده
بتيجي ف وقت غير متوقع
و بشكل غير متوقع
بالرغم من انها جزء من أحلام مستحيلة

6 comments:

  1. السلام عليكم ورحمة الله وبركاته

    يعني معادش في نوته وقلم
    :(

    حلوة فكرة البلوج
    بس ولا بلاش
    ولا
    اقول لك احسن
    بلاس اللون الاسود ده
    مش عارفه مش بحبه لوحده اي حاجه تفتح اللون نقطة لون بيضا ولا حاجه
    :D

    نيجي لموضوع البوست
    كل شيء في حياتنا قدر
    بس مش كل الاقدار في اقدار فيها اختيار اما نكمل معاها واما لا ممكن نقول عليها فرص او رسائل وفي اقدار مالناش فيها اختيار زي الميلاد والموت واشياء قليله اخري تكون احيانا اختيار واحيانا قدر لا اختيار فيه
    والفرص والرسائل دي هيا اللي بتحدد تفاصيل حياتنا
    تحياتي
    الى اللقاء

    ReplyDelete
  2. السلام عليكم
    ياسمين حبيبتى
    تحياتى لكى على البلوج الجديد يارب يوفقك
    جميل قووى البوست يا ياسو

    قد نقضي العمر كله في مطاردة حلم ما..
    وقد نكتشف بعد أن نخسر الكثير في رحلة المطاردة ..
    أنه هو من كان يطاردنا ..!!
    تحياتى لكى ومنظرين المزيد
    أختك إيناس

    ReplyDelete
  3. الجروب الرسمي لجريدة الصباح العربي بيت المدّونين العربhttp://www.facebook.com/group.php?gid=83558910956#/group.php?gid=78080770039

    ReplyDelete
  4. مبروك العتبه الجيده يا ياسمينا

    ودى من القدريات برضه يعنى ايه فى حياتنا يا حبيبتى مش قدرى

    ربنا يكتبلنا جميعا الخير من القدر

    ReplyDelete
  5. للاسف العين مش زى الكاميرا . الكاميرا بتطلع كل حاجه موجودة فعلا
    اما العين فبتشوف حاجتين
    اللى هيه حابه تشوفه
    واللى هيه خايفة تشوفه
    وبين ده وده بتسقط حاجات
    دى اللى انتى بتقولى عليا
    رائعة ومعبرة كلمات
    تقبلى تحياتى

    ReplyDelete